Marapo

LE GAE	Ditiragalo	Merafe	Dikgosi	Setso le Ngwao	Thuta Puo	Bakwadi
Mmino	Ditshwaelo	Kitso kakaretso	Temothuo	Bodumedi	Metse	Dikgwedi
Nna le Wena	Tsa Pholo	Dipotso	Ditebogo	Tse dingwe	Tsa Puso	Bagwebi

Tsa Pholo

Re bolawa ke malwetsi kgotsa ke menagano e e fosagetseng

Gona le batho ba ba kgonang go phela sebaka morago fa ba sena go lemoga gore ba na le bolwetsi bongwe jo bo kotsi, gongwe jo bo sa foleng. Bolwetsi jaaka HIV/AIDS bo tumile thata ka gore bo a bolaya, se se makatsang ke gore bangwe ba batho ba ba tshwaeditsweng ba kgona go phela dingwaga di ka nna masome a mabedi (20), fa bangwe dingwaga tse pedi di le dintsi go phela. Jaanong potso ke gore a ba bolawa ke bolwetsi kgotsa ke tlhaloganyo e e ba atlholetseng loso. Go nna le monagano o o siameng ka nako tsotlhe, ke sona se se ka re thusang go fenya kgotsa go laola malwetsi a rephelang ka ona. Fa o bolelelwa gore o a lwala mme wa gopola loso, o setse o ipolaile. Gantsi fa go buiwa ka batho ba ba ipolayang go buiwa ka ba ba ikgwagetsang kgotsa go dirisa sengwe le sengwe se se kotsi go tsaya botshelo jwa bone, go lebalwa batho ba

MEFUTA YA MALWETSI LE TSA PHOLO KA KAKARETSO

Tshedimoso ya malwetsi e e ranotsweng gotswa mo tshekatshekong ya baitsaanape ba maemo a a kwa godimo ba boNgaka. Mongwe le mongwe o rotloediwa go bona Ngaka ya gagwe fa a sa itemoge sentle, gore e mo netefaletse bolwetsi le kalafo e e maleba go nne batlhotlhi kgotsa baetleetsi le fa ele badiri gongwe baithaupi ba webesaete e. ba se kitla ba tsaya maikarabelo a tiriso e e botlhaswa ya tshedimoso e e tlhagelelang fa tlase fa, ka malwetsi a a farologaneng.

Marapo le Ramatiki

Bolwetse jwa marapo le malwetse mangwe a a tlholang botlhoko le go gagamala ga mesifa le bokopanelo jwa marapo.

Bolwetse jwa marapo le malwetse mangwe a a tlholang botlhoko le go gagamala ga mesifa le bokopanelo jwa marapo di bakwa ke botlhoko, borurugo, go tsikinyega go go rileng ga dijoene le di tissue tse di mo mmeleng. Go ya ka (Centers for Disease Control and Prevention), di milione di feta 46 tsa batho kwa US ba na le mofuta wa bolwetse jo le bogole jwa dijoene.

Bolwetse jwa marapo, jo sentle bo kayang borurugo jwa marapo moo a kopanang teng, bo kaya malwetse a a farologaneng a feta lekgolo. Malwetse a Ramatiki a akaretsa malwetse a a bakang botlhoko, go gagamala le borurugo mo dijoeneng, (bokopanelo jwa marapo), jaaka mesifa, le dikarolo tse di tshegeditseng marapo. Sentlentle bolwetse jwa marapo bo wela ka fa tlase ga malwetse a Ramatiki.

Bolwetse jwa marapo le malwetse mangwe a Ramatiki, go le gantsi a amanngwa ka phoso le botsofe, ka ntlha ya gore osteoarthritis (mofuta mongwe wa bolwetse jwa marapo jo bo tlwaelegileng). e tshwara thata batho ba ba setseng ba godile. Le fa go le jalo, bolwetse jwa marapo le malwetse mangwe a ramatiki a tshwara/tlhasela batho botlhe.