Mefuta ya mmino wa Setswana
TSUTSUBE, PHATISE, HOSANA, HURU, SETAPA SA DIPHATE LE MMAMARUTLE.
Mmino wa Setswana fela jaaka mmino wa ditso tse dingwe, Ke sekgantshwane, ebile
ke sekao sa Setshaba sa Setswana. O farologane ka mokgwa o o diragadiwang ka teng. bogolojang
fa re lebile dikao tsa ditso tse dingwe mo Aforika. Didiriswa tsa teng ga se tsa manobonobo
mme di natifisa pina thata, jaaka mokgwa wa go opa diatla, Matlhoa le diphala. Molodi wa pina
ya Setswana o supa gore Batswana ke bo mang le gore Botshelo jwa bona bo ntse jang. Mo mminong
go bonala Boitumelo, Kutlobotlhoko, Metshameko, kalafi, Kaloso le ditiro tse di amanang le setso
tse di dirwang ngwaga le ngwaga jaaka go rapelela Pula le ka nako ya thobo.
Mefuta ya Mmino
Tsutsube
Tsutsube ke mmino o ka bonwang mo dikgaolong tsa Botswana mo go nnang teng Basarwa le
Bakgalagadi. Gantsi le kgaolo tsa bogareng le bokone bophirima.
Phatise
Phatise ke mmino o o tlholegang mo merafeng ya Bangwaketse le Bakwena. O tumile thata kwa
Bokwena e bile o binwa thata ke bo rre. Bothakga jwa o na botswa mo go tswakatswakannyeng
Maoto, mo go bidiwang morabaraba. Kana morabaraba ke motshameko wa Setswana o o nang le
matswakabele.
Hosana
Hosana ke mmino o o binwang thata ke Bakalaka, o binwa fa go rapelelwa pula. Fa o binwa go
aparwa bontsho le bosweu. Bontsho bo supa maru a mantsho a pula, fa bosweu bo supa gona ga pula
kgotsa metsi.
Huru
Huru ke mmino wa se ka motshameko wa basimane, o tlwaelegile thata mo morafeng wa Basarwa ba
ba nnang kwa kgaolong ya Gantsi. Ba bine ba etsisa diphologolo fa ba o bina.
Setapa sa diphate
Setapa sa diphate ke mofuta wa setapa o o tlwaelegileng kwa Ngwaketse. Se bidiwa sa diphate ka
go re bogologolo se ne se dirisediwa matlalo e seng matlhoa jaaka gompieno. Ke mmino o o
biniwang ke borre. Bo mme ba ka bina fela fa borre ba ba tsaya ba ba binisa, mme le gale fa
bo rre ba tswelela ka go bina, ba itlhokomodisa bo mme, bo mme ba ka tsena fela fa pele ga
bona ba theta, go dira jalo go bidiwa konkomi, ka gore ba be ba ba konkometsa mme go sa re e
sepe. Ka na gatwe konkomi ka fa morago ka fa pele kgomo di a tswa.
Mmamarutle
Mmamarutle ke mmino o o fitlhelwang thata mo Lehurutshe, o binwa fa go robiwa.
Ditlhopa tsa Setso sa Setswana tse di gatisitseng
|
|
1. Maletangwao Cultural Troupe | Montshiwa (Mafikeng) |
|
2. Mosekaphofu Cultural Mull | Lorolwaneng (Mafikeng) |
|
3. MmaAusi | Montshiwa ( Mafikeng) |
|
4. Mebala | Lotlhakane (Mafikeng) |
| 5. Tswelelang Traditional Group | Logageng (Mafikeng) |
| 6. Serankure Marimba | Lotlamoreng (Mafikeng) |
| 7. Serake Traditional Groupe | Serake (Lehurutshe) |
| 8. Bana Ba Kgwale | Borakalalo (Lehurutshe) |
| 9. Mma Mpelegele Ngwana | Bapong (Rustenburg) |
| 10. Maipela Ka Ngwao | Jobetina ( Klerkdrop ) |
| 11. Vision Youth | Jobetina ( Klerkdrop) |
| 12. Kopano Ke Matla | Jobetina ( Klerkdrop) |
| 13. Thaga Tsa Ga Mme Halenyane | Sekhing ( Taung) |
| 14. Mahube | Lokaleng ( Taung) |
| 15. Seramphetshane | Unit 2 (Mogwase) |
| 16. Ngwao ya Tshona | Batlharos ( Kuruman) |
| 17. Ba Ga Phadima | MaMmebe ( Kuruman) |
| 18. Dialogane Tsa Tlhaping | Magwagwe ( Kuruman) |
| 19. Dinkwe tsa Phuduhudu | Dithakong ( Kuruman) |
| 20. Serantlhatlha | Ganyesa (Ganyesa) |
| 21. Ngwao Boswa | Kudunkgwane ( Ganyesa) |
| 22. Olebogeng Babuseng | Seoding ( Taung ) |
